20 ವರ್ಷದ ಯೋಜನೆಯನ್ನು ಒಂದೇ ದಿನದಲ್ಲಿ ಕೆಡವಿಹಾಕಿದ ಮೋದಿ ಸರ್ಕಾರ: ರಾಹುಲ್​ ಗಾಂಧಿ ಆಕ್ರೋಶ | Rahul Gandhi

ಸರ್ಕಾರದ ನೂತನ ಮಸೂದೆಯನ್ನು ರಾಜ್ಯ ಮತ್ತು ಗ್ರಾಮ ವಿರೋಧಿ ಎಂದು ಕರೆದ ರಾಹುಲ್​, ಮನರೇಗಾ ಗ್ರಾಮೀಣ ಮೂಲಸೌಕರ್ಯವನ್ನು ಬಲಪಡಿಸುತ್ತಿರುವುದರಿಂದ, ಸರ್ಕಾರವು ಗ್ರಾಮೀಣ ಕಾರ್ಮಿಕರ ಚೌಕಾಸಿ ಮಾಡುವ ಶಕ್ತಿಯನ್ನು ದುರ್ಬಲಗೊಳಿಸಿದೆ ಎಂದು ಆರೋಪಿಸಿದರು.

ಮಸೂದೆಯ ವಿಷಯವಾಗಿ ತಮ್ಮ ಎಕ್ಸ್ ಖಾತೆಯಲ್ಲಿ ಪೋಸ್ಟ್ ಹಂಚಿಕೊಂಡಿರುವ ರಾಹುಲ್​ ಗಾಂಧಿ, ನಿನ್ನೆ ರಾತ್ರಿ, ಮೋದಿ ಸರ್ಕಾರ ಇಪ್ಪತ್ತು ವರ್ಷಗಳ ಮನರೇಗಾವನ್ನು ಒಂದೇ ದಿನದಲ್ಲಿ ಕೆಡವಿದೆ. ಜಿ ರಾಮ್​ ಜಿ ಎನ್ನುವುದು ಈ ಹಿಂದಿನ ಖಾಯ್ದೆಯ ಇದು ಹಕ್ಕು ಆಧಾರಿತ, ಬೇಡಿಕೆ ಖಾತರಿಯನ್ನು ಕೆಡವುತ್ತದೆ ಮತ್ತು ದೆಹಲಿಯಿಂದ ನಿಯಂತ್ರಿಸಲ್ಪಡುವ ಪಡಿತರ ಯೋಜನೆಯಾಗಿ ಪರಿವರ್ತನೆಯಾಗುತ್ತದೆ ಎಂದು ಹೇಳಿದರು. ಇದು ರಾಜ್ಯ ಮತ್ತು ಗ್ರಾಮ ವಿರೋಧಿಯಾಗಿದ್ದು, ಮನರೇಗಾ ಗ್ರಾಮೀಣ ಕಾರ್ಮಿಕರಿಗೆ ಚೌಕಾಶಿ ಮಾಡುವ ಶಕ್ತಿ ನೀಡಿತು. ಇದರಿಂದಾಗಿ ಶೋಷಣೆ ಮತ್ತು ವಲಸೆ ಕಡಿಮೆಯಾಯಿತು, ಕಾರ್ಮಿಕರ ವೇತನ ಹೆಚ್ಚಾಯಿತು, ಕೆಲಸದ ಪರಿಸ್ಥಿತಿಗಳು ಸುಧಾರಿಸಿದವು, ಅದೇ ಸಮಯದಲ್ಲಿ ಗ್ರಾಮೀಣ ಮೂಲಸೌಕರ್ಯವನ್ನು ನಿರ್ಮಿಸುವುದು ಮತ್ತು ಪುನರುಜ್ಜೀವನಗೊಳಿಸುವುದು. ಆ ಹತೋಟಿಯನ್ನು ಈ ಸರ್ಕಾರ ಮುರಿಯಲು ಬಯಸುತ್ತಿದೆ ರಾಹುಲ್ ಗಾಂಧಿ ಬರೆದುಕೊಂಡಿದ್ದಾರೆ.

ಮುಂದುವರೆದು ಮಾತನಾಡಿದ ರಾಹುಲ್​, ಕೆಲಸ ಮತ್ತು ಕಟ್ಟಡ ನಿರ್ಮಾಣವನ್ನು ನಿರಾಕರಿಸಲು ಹೆಚ್ಚಿನ ರೀತಿಯಲ್ಲಿ ಮಿತಿಗೊಳಿಸುವ ಮೂಲಕ, ಜಿ ರಾಮ್​ ಜಿ ಗ್ರಾಮೀಣ ಬಡವರು ಹೊಂದಿದ್ದ ಒಂದು ಸಾಧನವನ್ನೇ ದುರ್ಬಲಗೊಳಿಸುತ್ತದೆ. ಕೋವಿಡ್​ ಸಮಯದಲ್ಲಿ ಆರ್ಥಿಕತೆ ಸ್ಥಗಿತಗೊಂಡು ಜೀವನೋಪಾಯ ಕುಸಿದಾಗ, ಅದು ಲಕ್ಷಾಂತರ ಜನರು ಹಸಿವು ಮತ್ತು ಸಾಲಕ್ಕೆ ಸಿಲುಕದಂತೆ ತಡೆದಿದೆ. ಇದು ಮಹಿಳೆಯರಿಗೂ ನೆರವಾಗಿದ್ದು, ನೀವು ಈ ಮಸೂದೆಯನ್ನು ತೆಗೆಯುವುದರಿಂದ ಮೊದಲು ಹೊರಗುಳಿಯುವುದೇ ಮಹಿಳೆಯರು, ದಲಿತರು, ಆದಿವಾಸಿಗಳು, ಭೂರಹಿತ ಕಾರ್ಮಿಕರು ಮತ್ತು ಬಡ ಹಿಂದುಳಿದ ಸಮುದಾಯ ಜನರು ಎಂದು ಹೇಳಿದರು. ಇದೆಲ್ಲದಕ್ಕಿಂತ ಹೆಚ್ಚಾಗಿ, ಈ ಕಾನೂನನ್ನು ಸರಿಯಾದ ಪರಿಶೀಲನೆಯಿಲ್ಲದೆ ಸಂಸತ್ತಿನಲ್ಲಿ ತಳ್ಳಿಹಾಕಲಾಗಿದ್ದು, ಮಸೂದೆಯನ್ನು ಸ್ಥಾಯಿ ಸಮಿತಿಗೆ ಕಳುಹಿಸಬೇಕೆಂಬ ಪ್ರತಿಪಕ್ಷಗಳ ಬೇಡಿಕೆಯನ್ನು ತಿರಸ್ಕರಿಸಲಾಗಿದೆ ಎಂದರು.

ಗುರುವಾರ ಮಧ್ಯಾಹ್ನ ರಾಜ್ಯಸಭೆಯಲ್ಲಿ ಅಂಗೀಕಾರಗೊಂಡಿದ್ದ ಕೇಂದ್ರ ಸರ್ಕಾರದ ನೂತನ ಜಿ ರಾಮ್​ ಜಿ ಮಸೂದೆಯನ್ನು, ಅದೇ ದಿನ ಮಧ್ಯರಾತ್ರಿ ರಾಜ್ಯಸಭೆಯಲ್ಲಿ ಧ್ವನಿ ಮತದ ಮೂಲಕ ಅಂಗೀಕರಿಸಲಾಗಿದೆ. ಈ ಹೊಸ ಕಾನೂನು ಯುಪಿಎ ಸರ್ಕಾರದ ಪ್ರಮುಖ MGNREGA (ಮಹಾತ್ಮ ಗಾಂಧಿ ರಾಷ್ಟ್ರೀಯ ಗ್ರಾಮೀಣ ಉದ್ಯೋಗ ಕಾಯ್ದೆ) ವನ್ನು ಬದಲಾಯಿಸುತ್ತದೆ.

ಕೇಂದ್ರ ಕೃಷಿ ಮತ್ತು ರೈತ ಕಲ್ಯಾಣ ಸಚಿವ ಶಿವರಾಜ್ ಸಿಂಗ್ ಚೌಹಾಣ್ ಮೇಲ್ಮನೆಯಲ್ಲಿ ಈ ಮಸೂದೆಯನ್ನು ಮಂಡಿಸಿದರು ಮತ್ತು ವಿರೋಧ ಪಕ್ಷದ ನಾಯಕರ ಅನುಪಸ್ಥಿತಿಯಲ್ಲಿ ಧ್ವನಿ ಮತದ ಮೂಲಕ ಅಂಗೀಕರಿಸಲಾಯಿತು. ವಿಪಕ್ಷಗಳ ಸದಸ್ಯರು ರಾಜ್ಯಸಭೆಯ ಬಾವಿಗಿಳಿದು ಪ್ರತಿಭಟನೆ ನಡೆಸಿದ ಬಳಿಕ ಸಭಾತ್ಯಾಗ ಮಾಡಿದರು(ಏಜೆನ್ಸೀಸ್​).